回味大班樓的味道
回到2021年8月7日這一天, 話說4個月前同班fd講，我見到大班樓拿左亞洲第一，所以心血來潮想試下，所以問班fd有冇興趣，有個fd就走左去book, 最後竟然要4/8先食到。笑死
第一道前菜
九層塔甜醋醃漬小番茄
連我呢一位好憎食番茄仔既人，都想食多幾粒，入口完全冇草青味，酸酸甜甜好開胃，好鮮甜，隔離d蘋果又係好清爽，前菜已經比我既感覺好新鮮，好驚喜。
第二道前菜
山東燒羊肉夾蝴蝶包自己夾羊肉入蝴蝶包，再另自己選擇配菜夾入去，羊肉好入味好軟熟。👍🏻👍🏻
第三道前菜
蜂巢芋泥煙鴨盒炸得非常之鬆脆，咬落脆口得來又好軟熟， 餡料調味得恰到好處，好好味，想食多舊😋😋
第四道前菜
炭火第一刀叉燒軟熟既叉燒， 肉，脂肪，肉，脂肪，肉，夾住，好入味，食落充滿美味既油香，同蜜汁味，肥瘦真係岩岩好，未試過咁好食既叉燒
第五道另加前菜
臭豆腐好耐冇食過臭豆腐，細個個時街邊遠距離都會聞到好臭既臭豆腐， 時代轉變，已經冇機會聞到臭豆腐既香味，上網見到大班樓臭豆腐係必食之一，所以必定試試啦。 送上來其實唔太聞到臭味，但夾上來就開始聞到，好懷念既味道，食落同細個食既分別，就係呢個更加惹味同餡料特別，好味，好想外賣來食，haha
第六道湯品
老火湯飲落超甜，冇味精，湯料好足料，好好味，好順口，好想飲多盅呀。😋😋😋😋
第七道- 主菜
雞油花雕蒸大花蟹配陳村粉呢個野真係個個去親大班樓都必食既一道菜式，未食都聞到好香好濃既花雕味，夾陳村粉再加舊蟹鉗，再沐上好香既吸引晒雞油花雕蟹汁，食落成個口腔都係好濃同好香既花雕味之後就係雞油味，一個字，正呀呀呀。😍😍
陳村粉吸晒d汁，一流，最緊要係陳村粉做得好滑，真係爭住淋多d 汁食。
跟住另一個重點就得好鮮味既蟹，非常好肉，超好味😋😋😋😋😋 好想食多d 呀。如果有白飯，呢個汁真係一流。😚😚
第八道- 主菜
陳皮咸肉蒸海班其實每次酒席都唔鍾意食蒸魚，因為一定係好韌，所以次次都食幾淡就算。今次覺得竟然有條魚係好滑又好食，我食埋個魚頭，超鮮又滑，正👍🏻👍🏻
之後就有埋其他菜, 樣樣都超水準
#高級 #粵菜 #中菜 #第一次 #大班樓 #新嘗試 #見識下 #hongkong #人一世物一世 #咩都試下 #香港 #香港美食 #高級粵菜
私心時間, 可以等我介紹一下明妍堂中醫診所, 專治皮膚科，婦科，痛症及中風後遺症，如果大家有睇中醫需要, 可以click 入去 >>明妍堂網頁<<睇下詳情
完
