北海道同其他日本城市一樣，非常多小食買，價錢又唔係太貴，都一定好好味。今次去北海道都唔例外，掃日本街頭小食，重要雪祭祭典，入面有好多小食食。正正正
炸鹿餅 好好食
牛肉
章魚燒
燒魚
雞串加啤酒 一流
都係雞 係北海道雞真係好好食
係一間超級市場買既炸物
完
食食食食食，我好想食野呀 ， 我想POST咩，就POST咩食物， 好食，唔好食，我都POST
2017年10月7日 星期六
2017年9月14日 星期四
食食食食，食之現在
呢間雞煲我去過幾次，質素都唔差，幾好食。佢有好多種類雞煲比人揀，今次我地就揀左重慶麻辣雞煲食。呢間野好多邊爐料選擇，但呢間唔係任食，所以大家唔好好似我有位朋友不停咁叫，搞到最後食左成二千幾蚊。哈哈哈！不過冇所謂啦，最緊要大家可以出來見見面，食下飯。
好大煲既雞煲，非常之野味。好好食！
大大杯既咸檸七 ，打邊爐一定要。
哭，最後食左接近成二千蚊，哈哈哈。
完
2017年9月8日 星期五
食食食食，食之舊相 (我去轉北海道) - 主食篇 Part 2
今日又來到北海道篇啦！！！！ 我去日本有一樣野我好鍾意食，就係吉列豬扒。好好食一食非常難忘。日本好多吉列豬擴店都可以補充菜同飯。可以用豬扒汁送飯一流呀，另外椰菜非常新鮮，加小小汁都好好味呀。所以我每次去日本都一定會食。
脂肪同肉分明既豬真係一絕
第兩日就係去左一間小店食飯，叫左一個炸物定食再加一杯生啤。一絕呀
去到日本都要一試就係蛋包飯加漢堡扒。
日本定食真係大大份又好味一定會食飽，價錢又唔係太貴。好味
同場加映就係芝士薯條。
完
2017年8月21日 星期一
食食食食，食之星期五
今日又到星期一啦！ 一星期最眼訓最辛苦既一日，所以我要望下美食相，提一提神先得。今個月我搬左個新OFFICE，地方大左，路程遠左，今日重未太習慣。但搬左新OFFICE，最開心既係新地方有返我以前好鍾意既公司canteen。依家新canteen 對比以前canteen 只係貴左小小，不過開業階段有些菜式水準差左小小。但上星期五我食左一個好好食既canteen 西餐，價錢只係28蚊＋熱飲2蚊。呢個菜叫芥末醬雞扒蘑菇汁飯，非常可口既煎雞扒，帶些微辣，好好味呀！
味道：（差至高）
★★★★☆ 4.5
價錢：（平至高）
★1
環境：（差至好）
★★★☆ 3.5
總分：（差至好）
★★★★☆ 4.5
中午食完好東西，當既緊係繼續食好食物啦。當日即慶問班朋友食唔食宵夜自助餐，朋友立即有反應話去，最鍾意爽快既朋友，所以我立即開隻訂枱APP 搵一間有宵夜自助餐既酒店。正正正，最後搵了一間有宵夜自助餐，重要開始時間係9：30p.m. ，不用太夜先有得食。
當晚最好味既一定係生蠔，我都食左好多隻，我都唔記得食左幾多隻啦。生蠔入口好鮮甜，好好味，好肥美。補菜速度值得一讚，就快冇就已經拿定另一盤補充 。食完呢次自助餐，非常之飽，非常滿足，正呀喂！不過呢個宵夜自助餐種類就較少。但都值得一試！
味道：（差至高）
★★★☆ 3.5
價錢：（平至高）
★★★3
服務：（差至好）
★★★★ 4
環境：（差至好）
★★★☆ 3
總分：（差至好）
★★★★ 4
完
2017年8月14日 星期一
食食食食，食之舊相 (我去轉北海道) 小食篇 Part 1
大家好呀！兩個星期冇見了。本人衰，我好懶唔想寫，冇下次（好難啦）。我地今日講返北海道之行啦。 今次就介紹下我係大通公園雪祭有咩好食，有咩正野啦。雪祭真心超多野食，食極都唔會完，因為大通公園非常之大，行極都唔完，雪祭好多展品睇。我地開始啦！！！！
長長既薯條，正呀！最緊要岩岩炸起，熱辣辣。
大通公園名物- 燒栗米，非常甜好好食。
北海道叫呢種野食唔係叫唐楊炸雞，佢地直接叫炸雞。
食左兩種炸雞，雞好滑，好多汁。
今次寫唔到好多野，小食篇重有一集，大家繼續留意啦！
完
2017年8月6日 星期日
2017年7月31日 星期一
食食食食，食之現在
大家好！又到一星期一篇既食物BLOG。真係希望我可以堅持到每星期一篇，哈哈哈哈。話就話我有好多食物相，但一定有一日用完架嗎。所以食之現在主題，係我一個月內食既，所以未必有好多相。每次就貼一兩張相就算，之後就寫下咩味道呀。 但之前我食既圖，我都無咩記憶所以我會貼多張相。食之味道主題，我未必有資格評下分，但我會用我自己既味道同見到既環境，分享我既見解啦。肥仔我好小講下我既意見，希望大家接受啦。請大家多多支持！
前幾日放左工約左人食飯，但未見到前就周圍行下。行左一轉商場，見到有一間食吉列豬扒。但呢間野對比其他餐廳，就係其他好多人等位，就係唔知呢間野冇人等位。好奇怪，之後等到個朋友啦。開頭我提意食KFC ，但比朋友reject 左。所以就誰怕誰心態同朋友提意去呢間食吉列豬扒。我成日覺得中伏就只係會中伏一次，唔會再有下一次中伏機會。機會就得一次，所以我同朋友就入左去食吉列豬扒。直行直入，唔需要等位-好恐佈。心諗會唔會咁差呀。
入到去坐定個位，之後睇下有咩食啦。未叫之前，服務真係好好，呢句我認真講既。本來坐二人位，但見到我有個背囊，調左去坐四人位。 天氣好熱，所以我火熱火熱，佢地見到立即拿部冷風機吹正我地，好舒服呀-值得一讚。
之後我同朋友都叫左個吉列豬扒定食，等左一陣就送到來，幾有效率。見到都好豐富，有沙律，湯，飯，酸菜，重有主角-吉列豬扒。 食落唔可以話太好味，但又唔係差，中規中矩啦。豬扒都是脆口，沙律好新鮮，呢個定食算好。假如價錢可以再平小小就真係值，但價錢真係有些貴。呢個價錢比得這種質素既吉列豬扒定食，有些強差人意，但服務的確一流。
味道：（差至高）
★★★ 3
價錢：（平至高）
★★★ 3
服務：（差至好）
★★★★ 4
環境：（差至好）
★★★ 3
總分：（差至好）
★★★☆ 3.5
下次等我再介紹食過咩野啦。再見！
完
2017年7月23日 星期日
食食食食，食之舊相 (我去轉北海道) 海鮮篇
又到我講北海道啦，呢個係不停食食食同睇睇睇之行，今次就講去左一個好多海鮮既場外市場。入面好多不同種既海鮮，個時我真係大開眼界同流晒口水。行左一排搵下有咩好野食啦，行左好多間，好多選擇真係心大心細。 最後搵到一間個位幾舒服，所以行左入去。最初個位係對住火爐，但都係好凍。之後有個店員問我地食唔食煙，我地話唔食，最後幫我地轉左去店入面。 四人位兩個人坐非常舒服，好好坐，可以放好多碟野食。
我地叫左好多野食，首先真心好凍所以立即叫左個蟹麵豉湯，入面有半隻蟹既份量。非常足料，好鮮甜，第一碗就好好味。我諗跟住既野食一定有水準啦。
北海道都出名海膽，我地食過原板新鮮海膽但未食過燒過既海膽，所以叫左一板試下。食第一啖，立即嘩嘩嘩。入口非常creamy，跟住帶火燒過既焦香，一流呀！
你望望真係好大條呀！！！重要好多肉。
好似去日本唔食肉生好似冇去過日本一樣，但日本唔一定食魚生既。呢碟就係去到日本唯一一碟既魚生-吞拿魚腩。充滿油脂，好肥美。但可能唔太鐘意油脂好好既吞拿魚，試過就算，不過唔岩我，但我都覺好味。
跟住每人一隻大大隻既肥美扇貝，成隻手掌咁大隻。我地今次食既野真係份份都啖啖肉。
來多份墨魚呀。正正正正。
食完呢一餐，第一樣就係樣樣都係咁好味，第二樣就非常好飽。呢次海鮮餐真係非常之滿足，下次再去北海道，我一定會再食多次。正正正正正！大家覺得好睇可以訂閱我，比支持我
完
2017年7月16日 星期日
食食食食，自煮快樂 － 威靈頓牛柳
威靈頓牛柳
有一日睇下youtube，睇睇下睇到Gordon Ramsey 整既威靈頓牛柳，我立即流口水。心裡好想食好想食。之前有一次機會食過一次，覺得都好好味。所以我想自己學整一次，本人好耐都冇煮野食。一煮就整呢樣非常高難道既菜，我真係覺得自己係傻架。煮前我預先上網買定調味料同材料。以下就我煮過程，不過這篇不是菜譜，所以大家不要跟。因我覺得不是成功。假如有一日，我真係整到完美，到時我一定教大家整。
首先我買左一塊500g 既牛柳，我第一次整就咁大塊，因有幾個家人都回家食飯。所以我就死就死啦，做人要去到盡。買大塊既，可以同屋企人高興一回。
買完返來塊牛柳非常大件同非常靚，我想想一定非常好食啦。正呀
每邊就封煎20秒，就拿上來閒置5-10分鐘。
煎完都非常大塊，可想今次牛柳好足兩。
第兩部就係整磨菇蓉，整完山來既磨菇蓉好多水份，所以要落鑊煮走多餘的水份。
超多水超多水超多水超多水，代表磨菇蓉好靚。
跟住就係要包牛柳啦，呢個好難整，要包得緊一緊，今次發現唔係包得好緊。可能太大件牛，我用唔夠力去包，下次一定要包到緊一緊。
包實左我先發現，我唔記得塗英式芥末係牛柳到呀呀呀呀。唉，所以最後柝左佢潤返落牛柳到。包完就放去雪櫃15-30分鐘。
之後就拿酥皮包住成塊牛柳。
再雪5-10分鐘
加蛋液，可以拿去焗啦，好緊張呀。唔知成唔成功呢。
焗左差唔多20 分鐘
拿出來，外面真係好脆呀。心想一定好好味。
正呀。
最後食落非常好味，但製作過程中有好多步都做錯，另一方面我買錯酥皮又放得太多層，搞到個外皮好厚實，蛋液入唔到內層。我吸取今次經驗，我下次一定會整一個更加完美既威靈頓牛柳比大家。大家一定要等我呀。大家覺得好睇可以訂閱我，比支持我
完
訂閱：
文章 (Atom)