出發北海道之旅
話咁快就去到第三篇啦，今日就同大家去出香港。重要係大家熟識既日本，但今次會去最北既北海道旅行。呢個旅行有三個第一次，第一次去北海道，第一次坐ANA，第一次玩雪，好正既體驗。今次旅行我會分幾個Blog講，包括-主餐、海鮮、小食，三大主題。今次第一篇就講我由起飛到走既好好味既主餐。 GO GO GO
以前去旅行多是揀hkexpress，價錢較平既航空公司。但點解今次會揀一間幾貴既航空公司？
因為我已經成年冇去旅行，所以諗起對自己好，又覺得人生人一世物一世，咩都要試下呀嗎。開頭覺得ANA 咪又係咁，但坐過之後真係覺有好大分別。平時坐hkexpress，咩都要比錢-行李，飲野，飛機餐。但正常既航空公司就咩都包晒，之前坐過CX 已經感受過。但CX 同ANA既分別就係ANA既座位闊落好舒服，岩晒我呢位肥仔坐！重有有基本既服務-娛樂系統、電源位、飲品等等。正呀
ANA飛機餐
講返正題啦！去北海道第一餐就係飛機餐。意想不到就係，幾好食WO，可能我坐零晨機訓醒特別肚餓。見到個豐富既早餐，成個人都醒晒。有生果有包有冷麵有蛋有野飲，就係好豐富啦，成個人精神晒。因為ANA 去北海道要係東京轉機，第一次轉內陸機咩都唔識，開頭以為轉機時間有成個鐘，一定好足夠啦。但最後搞到要趕頭趕命，差少少趕唔到班內陸機。唉⋯⋯
成功到達北海道，第一站札幌，過幾日大通公園會有雪祭。所以我係札幌停留幾日（想知雪祭內容？ 我會遲少少寫比大家睇，成件事係超級興奮。）到札幌之後，搵到酒店整理下行李就出發搵食了。周圍探下環境，望下有咩車，有咩電車，睇下Google map。最後行到去札幌商店街- 狸小路1丁目至有丁目。漫冇目的去探路呀，了解當地既生活方式，我好鐘意咁去旅行。 但都個句啦，最最最主要目的係搵好野食！！！！
日日準時搵食篇
搵下搵下係狸小路見到間拉麵店就入左去食啦，見到大大塊肉既拉麵就流口水啦。重有同朋友加多碟餃子。 第一餐已經咁好食，之後點算好呢。我應該學哈姆太郎講野，聽日一定會更開心架，轉成聽日野食一定會更好食架。正呀⋯⋯
狸小路話長唔長，話短唔短，狸小路中間重要連接一條可以通過幾個車站既超長地下街。慢慢行夠你買到超多野，好彩我唔係太鍾意買野既人。之後行得耐都幾想搵地方坐下，咁岩又係食晚飯時間，行左好多條街都搵唔到太岩心水既野食。最後去返狸小路既野食街 搵美食，入面有好幾間居酒屋 。每間都有不同食物，第一日晚就去左間食燒豚丼，可以望住師傅慢慢由生燒到熟再燒到邊位脆，成件事真係一種享受。師傅送上燒豚丼，非常足料，好多塊燒豚。我食第一啖就感受到既充滿肉汁既燒豚，非常好味，大家一定要試下。呢間野好易搵，係狸小路中間既野食家，大家自己搵下啦。
之後一天午餐我地去左食好豐富既海鮮餐，太豐富，所以我會留去下回分解。日本每區都有吉列豬扒專門店，我好鍾意食吉列既做法。每次我去到日本都一定要食一次，真係太好食啦。香脆既外皮包住充滿肉汁既豬，真係諗起都流口水呀。
出發小樽前一晚我地都去狸小路搵食，係北海道一定要飲生啤。所以我叫左一杯再加一個炸物定食。首先飲左第一啖生啤，之後吓一聲，個種快感真係難以形容，特別舒服。炸物定食一串串炸物，真係送酒一流。食左兩三日札幌非常滿足。
之後既Blog 我會講下我去北海道既目的，上面都講左我係去幾個地區雪祭- 札幌、小樽、旭川。重有中間既美食，我會一一送上，大家一定要繼續留意呀。
完
沒有留言:
張貼留言