食食食食，食之舊相 (我要食甜品呀) Part 1

上一篇文係咪搞到大家都流晒口水呢，今日緊係介紹我呢幾年食過咩甜品啦。我既宗旨就係理你咩價錢，最緊要好味。你好貴但同我樓下間茶餐廳一樣水準既話，我會同你講我樓下茶餐廳都做得好過你呀，垃圾餐廳。市面上有大量既餐廳又貴又唔好食，一方面香港租金愈來愈貴，另一方好多都冇心做餐廳。大佬呀！你做餐廳架，煮野難食你最後都係會執架。唔好再話租金貴，所以食材唔好。你煮得好幾貴都有人食，你煮得差幾平都冇人想食。最後我覺得所有野食都講係 性價比 ，價錢同味道中拿到最佳既平衡。不過租金的確令好多好野食執得就執，依家未執只係時晨未到。唉

呀愈講愈遠，返返來。今日我呢到道講下我以前食過咩好甜品啦，當中有部份係一般般。不過我都係用我既記憶回想味道。講完廢話正式開始。

有一日食完飯我冇啦啦好想食pancake 做甜品，平時除左M 記大家都好少機會自己會食pancake。所以同班朋友就去左間有pancake食既甜品店，入到去見到有pancake食就立即叫。pancake 最好既配搭就係加糖漿再加一球雪糕。 正正正 

個時韓國冰入來香港時，好多韓國FANS 都好興奮（不包括我，我對韓國冇咩好感）。但咩野食物，我都想試下。所以我揀左間有韓國冰食既甜品店。我本人好喜歡食士多啤利既肥仔，所以我揀左士多啤利韓國冰食。好多士多啤利 ，雪花冰好綿，上面有一件芝士蛋糕。比我既感覺唔錯

好多台式甜品店都有呢樣甜品，就係幾層脆脆多士配上Cream 和雪糕。上面都講過我鍾意食士多啤利，所以我都係揀食士多啤利既味。但美中不足就係唔穩定，一時多士唔脆，一時多士燶左，一時唔夠味。真係睇彩數。

最後一張西米布甸加雪糕，我記憶就係好細份，唔多夠食，哈哈哈哈哈哈。

今日講住咁多甜品先，下次有機會再有PART 2。大家唔好走開，繼續留意啦！記得叫多朋友入來睇下啦。

完